देशभर थप १०२४ जनामा कोरोना संक्रमण, २२०६ जना संक्रमणमुक्त

  • सक्रिय संक्रमितको संख्या १४ हजार २५५
  • - नेपाली हेल्थ

    काठमाडौँ, २० मंसिर । पछिल्लो चौविस घण्टामा देशभर थप १ हजार २४ जनामा कोरोना भाइरस (कोभिड-१९) संक्रमण देखिएको छ ।

    स्वास्थ्य तथा जनसंख्या मन्त्रालयका अनुसार देशभरका बिभिन्न प्रयोगशालामा ६ हजार ७४ जनाको पीसीआर बिधिबाट गरिएको नमुना परीक्षणका क्रममा थप १ हजार २४ जनाको कोरोना भाइरस पोजेटिभ आएको हो ।

    यो संगै नेपालमा कुल संक्रमितको संख्या २ लाख ३९ हजार ८८५ पुगेको छ । हालसम्म देशभर सक्रिय संक्रमितको संख्या १४ हजार २५५ रहेको छ ।

    त्यसैगरी पछिल्लो चौबिस घण्टामा देशभर थप २ हाजर २ सय ६ जना कोरोनामुक्त भएका छन् । यो सहित कोरोनामुक्त हुनेको संख्या २ लाख २४ हजार ५३ पुगेको छ ।

    त्यस्तै काठमाडौँ उपत्यकामा थप ४६० जनामा कोरोना संक्रमण देखिएको छ । जसमा २०४ जना महिला र २५६ जना पुरुष छन् ।

    पछिल्लो चौबिस घण्टामा कोरोना संक्रमणबाट थप १० जनाको निधन भएको छ । हालसम्म नेपालमा कोरोना संक्रमणबाट निधन हुनेको संख्या १ हजार ५ सय ७७ पुगेको छ ।


    Facebook Comment


    थप समाचार