काठमाडौँ, १६ मंसिर । पछिल्लो २४ घण्टामा काठमाडौँ उपत्यकामा थप ५३० जनामा कोरोना संक्रमण देखिएको छ ।

स्वास्थ्य तथा जनसंख्या मन्त्रालयका अनुसार काठमाडौँमा ४०९, ललितपुरमा ८५ र भक्तपुरमा ३६ जना गरी ५३० जनामा कोरोना संक्रमण देखिएको छ ।

आज देशभर १ हजार ३ सय ४ जनामा कोरोना संक्रमण पुष्टि भएको छ। यही अवधीमा २ हजार ७३ जना डिस्चार्ज भएका छन्। थप २१ जना कोरोना संक्रमितको मृत्यु भएको छ ।

त्यसैगरी देशभरका कोभिड अस्पतालका आइसीयूमा ३७० र भेन्टीलेटरमा ६३ जना संक्रमित उपचाररत छन् ।