पछिल्लो २४ घण्टामा देशभर थप १६७४ जनामा कोरोना संक्रमण, २३२३ जना संक्रमणमुक्त

  • सक्रिय संक्रमितको संख्या २४ हजार ९
  • - नेपाली हेल्थ


    काठमाडौँ, ६ मंसिर । पछिल्लो चौविस घण्टामा देशभर थप १ हजार ६ सय ७४ जनामा कोरोना भाइरस (कोभिड-१९)संक्रमण देखिएको छ ।

    स्वास्थ्य तथा जनसंख्या मन्त्रालयका अनुसार देशभरका बिभिन्न प्रयोगशालामा ८ हजार १ सय ४४ पीसीआर बिधिबाट गरिएको नमुना परीक्षणका क्रममा थप १ हजार ६ सय ७४ जनाको कोरोना भाइरस पोजेटिभ आएको हो ।

    यो संगै नेपालमा कुल संक्रमितको संख्या २ लाख १८ हजार ६ सय ३९ पुगेको छ । हालसम्म देशभर सक्रिय संक्रमितको संख्या २४ हजार ९ रहेको छ ।

    त्यसैगरी पछिल्लो चौबिस घण्टामा देशभर थप २ हाजर ३ सय २३ जना कोरोनामुक्त भएका छन् । यो सहित कोरोनामुक्त हुनेको संख्या १ लाख ९३ हजार २३ सय २५ पुगेको छ ।

    त्यसैगरी आइसीयुमा ३३६ र भेन्टीलेटरमा ४७ जना उपचाररत छन् । पछिल्लो चौबिस घण्टामा कोरोना संक्रमणबाट थप ७ जनाको निधन भएको छ । हालसम्म नेपालमा कोरोना संक्रमणबाट निधन हुनेको संख्या १ हजार ३ सय ५ पुगेको छ ।


    Facebook Comment


    थप समाचार