काठमाडौँ, २ मंसिर । पछिल्लो चौविस घण्टामा देशभर थप ५ सय २ जनामा कोरोना भाइरस(कोभिड-१९)संक्रमण देखिएको छ ।

स्वास्थ्य तथा जनसंख्या मन्त्रालयका अनुसार देशभरका बिभिन्न प्रयोगशालामा ३ हजार १ सय १२ जनाको पीसीआर बिधिबाट गरिएको नमुना परीक्षणका क्रममा थप ५ सय २ जनाको कोरोना भाइरस पोजेटिभ आएको हो ।

यो संगै नेपालमा कुल संक्रमितको संख्या २ लाख ११ हजार ४ सय ७५ पुगेको छ । हालसम्म देशभर सक्रिय संक्रमितको संख्या ३० हजार ९ सय ८६ रहेको छ ।

त्यसैगरी पछिल्लो चौबिस घण्टामा देशभर थप २ हाजर ८ सय ७८ जना कोरोनामुक्त भएका छन् । यो सहित कोरोनामुक्त हुनेको संख्या १ लाख ७९ हजार २ सय ४२ पुगेको छ ।

त्यसैगरी क्वारेनटिनमा १ हजार ३ जना रहेका छन् । पछिल्लो चौबिस घण्टामा कोरोना संक्रमणबाट थप १७ जनाको निधन भएको छ । हालसम्म नेपालमा कोरोना संक्रमणबाट निधन हुनेको संख्या १ हजार २ सय ४७ पुगेको छ ।