काठमाडौँ, २७ कात्तिक । पछिल्लो चौविस घण्टामा देशभर थप १ हजार ९ सय १३ जनामा कोरोना भाइरस(कोभिड-१९)संक्रमण देखिएको छ ।

स्वास्थ्य तथा जनसंख्या मन्त्रालयका अनुसार देशभरका बिभिन्न प्रयोगशालामा  पीसीआर बिधिबाट गरिएको नमुना परीक्षणका क्रममा थप १ हजार ९ सय १३ जनाको कोरोना भाइरस पोजेटिभ आएको हो ।

यो संगै नेपालमा कुल संक्रमितको संख्या २ लाख ४ हजार २ सय ४२ सय पुगेको छ । हालसम्म देशभर सक्रिय संक्रमितको संख्या ३८ हजार ४ सय ६१ रहेको छ ।

त्यसैगरी पछिल्लो चौबिस घण्टामा देशभर थप २ हाजर ३ सय ४९ जना कोरोनामुक्त भएका छन् । यो सहित कोरोनामुक्त हुनेको संख्या १ लाख ६४ हजार ५ सय ९२ पुगेको छ ।

त्यसैगरी क्वारेनटिनमा ९ सय ७४ जना रहेका छन् । पछिल्लो चौबिस घण्टामा कोरोना संक्रमणबाट थप १५ जनाको निधन भएको छ । हालसम्म नेपालमा कोरोना संक्रमणबाट निधन हुनेको संख्या १ हजार १ सय ८९ पुगेको छ ।