काठमाडौँ, १९ कात्तिक । पछिल्लो चौविस घण्टामा देशभर थप ३ हजार ३ सय ९ जनामा कोरोना भाइरस (कोभिड -१९) संक्रमण देखिएको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशभरका बिभिन्न प्रयोगशालामा १३ हजार १ सय ४४ जनाको पीसीआर बिधिबाट गरिएको नमुना परीक्षणका क्रममा थप ३ हजार ३ सय ९ जनाको पोजेटिभ आएको हो ।

यो संगै नेपालमा कुल संक्रमितको संख्या १ लाख ८२ हजार ९ सय २३ सय पुगेको छ । हालसम्म देशभर सक्रिय संक्रमितको संख्या ३६ हजार ९ सय ११ रहेको छ ।

त्यसैगरी पछिल्लो चौबिस घण्टामा देशभर थप ३ हजार ८ सय ४४ जना कोरोनामुक्त भएका छन् । यो सहित कोरोनामुक्त हुनेको संख्या १ लाख ४४ हजार ९ सय ७८ पुगेको छ ।

क्यारेनटिनमा १ हजार ३ सय ५ जना छन् । त्यस्तै होम आइसोलेसनमा ३० हजार १ सय ३१ जना र संस्थागत आइसोलेसनमा ६ हजार ७ सय ८० जना रहेका छन् ।