काठमाडौँ, २२ भदौ । काठमाडौँ उपत्यकामा थप ३२६ जनामा कोरोना संंक्रमण देखिएको छ । स्वास्थ्य तथा जनसंख्या मन्त्रालयको नियमित कोरोना ब्रिफिङमा प्रवक्ता डा जागेश्वर गौतमले सो जानकारी दिएका हुन् ।

उनले पछिल्लो चौविस घण्टामा काठमाडौँमा २९३ जना, ललितपुरमा २० र भक्तपुरमा १३ गरी कुल ३२६ जनामा कोरोना संक्रमण देखिएको बताए ।

पछिल्लो चौविस घण्टामा ९ हजार २१८ जनाको पीसीआर परीक्षण गर्दा देशभर ९७९ जनामा कोरोना संक्रमण देखिएको छ । त्यसमध्ये ३३८ जना महिला र ६४१ पुरुष हुन् ।

यहि अवधीमा १ हजार ७३६ जना कोरोना मुक्त भएका छन् । अहिलेसम्म ३० हजार ७७७ जना डिस्चार्ज भएका छन् ।