काठमाडौँ ११ भदौ । ललितपुरस्थित पाटन अस्पताल र किष्ट अस्पतालमा उपचाररत एक/ एक जना कोरोना संक्रमितको मृत्यु भएको छ । पाटन अस्पतालमा उपचाररत ६५ वर्षीया महिला र किष्ट अस्पतालमा उपचाररत ५५ वर्षीय पुरुषको कोरोना संक्रमणबाट मृत्यु हो ।

मृतक पुरुषमा निमोनिया भई दुवै छातीमा संक्रमण भएको थियो । गत भदौ ७ गते भर्ना भएका उनलाई ९ गते कोरोना संक्रमण पुष्टि भएको थियो । भने पाटन अस्पतालमा मृत्यु भएकी महिललाई स्वास्थ्यमा समस्या आएपछि गत भदौ ९ गतेदेखि आइसियुमा राखेर उपचार गरिँदै आइएको थियो।