त्रिवि शिक्षण अस्पतालले पनि शुरु गर्‍यो पीसीआर परीक्षण

काठमाडौँ, १२ जेठ । त्रिभुवन विश्वविद्यालय शिक्षण अस्पताल महाराजगञ्जमा पीसीआर विधिबाट कोरोना भाइरस (कोभिड – १९)को परीक्षण शुरु भएको छ । त्रिभुवन विश्वविद्यालयले उपलव्ध गराएको मेसिनबाट अस्पतालले कोरोना परीक्षण सेवा शुरु गरेको हो ।

सोमबार अस्पतालमा आयोजित कार्यक्रममा त्रिविका उपकुलपति डा धर्मकान्त बाँस्कोटाले पीसीआर परीक्षणको उदघाटन गरे ।

अस्पतालका कोभिड १९ व्यवस्थापन समितिका संयोजक डा सन्तकुमार दासले त्रिवि अस्पतालमा जडान भएको नयाँ मेसिनले एक पटकमा ९६ जनासम्मको कोरोना परीक्षण गर्न सक्ने बताए ।

उनले पहिलो चरणमा अस्पतालमै संकलन भएका ३० जनाको नमूना परीक्षण शुरु गरिएको बताए । उनले रिपोर्टका लागि करीब ५ घण्टा लाग्ने भन्दै आवश्यकता अनुसार दुई चरणमा पनि परीक्षण अघि बढाउन सकिने बताए ।

त्रिवि शिक्षण अस्पतालमा परीक्षण सुरु भएसँगै नेपालमा पिसिआर परीक्षण हुने स्थानको संख्या २० पुगेको छ।

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ ।
सम्पर्क इमेल : nepalihealthnews@gmail.com

Leave a Reply

Your email address will not be published. Required fields are marked *