काठमाडौँ, ७ चैत । स्वास्थ्य तथा जनसंख्या मन्त्रालयले काठमाडौँ उपत्यका भित्र रहेका आफू मातहतका विभाग र कार्यालयमा कार्यरत सहसचिव तथा विभागीय प्रमुखहरुलाई विदाका दिनमा पनि कार्यालय आएर काममा खटिन निर्देशन दिएको छ ।

मन्त्रालयले शुक्रबार सचिवस्तरीय निर्णय गर्दै यस्तो निर्देशन दिएको हो ।

उक्त निर्णयमा उपसचिव र शाखा अधिकृत तहका कर्मचारीलाई उपत्यका नछाड्न भनेको छ ।

मन्त्रालयले विश्वव्यापी महामारीको रुपमा फैलिएको कोरोना नेपाल भित्रन नदिने कार्यका परिचालन गर्नु पर्ने भएकोले यस्तो निर्णय गरिएको जनाएको छ ।