प्रधानमन्त्री ओलीको एपेन्डीसाइटिसको शल्यक्रिया सम्पन्न
काठमाडौँ, १० मंसिर । प्रधानमन्त्री केपी शर्मा ओलीको एपेन्डीसाइटिस शल्यक्रिया सम्पन्न भएको छ ।
महाराजगञ्जस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा केही बेर अघि उनको शल्यक्रिया गरिएको हो ।
त्रिवि शिक्षण अस्पतालका डा रमेशसिंह भण्डारीको टोलीले प्रधानमन्त्री ओलीको शल्यक्रिया गरेको प्रधानमन्त्रीका स्वास्थ्य सल्लाहकार प्राडा अरुण सायमीले बताए ।
‘यो सानो शल्यक्रिया थियो । भर्खरै सकियो । राम्रो भयो । अब अस्पतालमा कति रहने भन्ने कुरा स्वास्थ्यका अरु पारामिटर हेरेर गरिन्छ । अहिल्यै भन्न सकिन्न,’ उनले भने ।
विहान एक्कासी पेट दुख्न थालेपछि निजी चिकित्सकहरुको टोलीले साढे ९ बजे तिर मनमोहन सेन्टरमा पुर्याएका थिए । त्यहाँ परीक्षण हुँदा उनको एपेन्डिसाइटीस भएको देखिएको थियो ।
सम्पर्क इमेल : nepalihealthnews@gmail.com