काठमाडौँ, २३ भदौ ।  कर्मचारी समायोजन अन्तरर्गत स्वास्थ्य तथा जनसंख्या मन्त्रालयले ४ हजार ५० जना हेल्थ असिस्टेन्ट (एचए)को समायोजन गरेको छ । मन्त्रालयले उनीहरुको पत्र सम्वन्धित कार्यस्थलमा पुग्ने गरी पठाएको छ ।

‘एचएको समायोजन सम्पन्न भएको छ । हामीले ४ हजार ५० जनाको समायोजन पत्र उहाँहरुको कार्यस्थलमा हिजो पठाएका छौँ,’ मन्त्रालयका प्रवक्ता महेन्द्रप्रसाद श्रेष्ठले भने । उनले अब छिटै अहेव र अनमीको समायोजन पत्र वितरण गर्ने तयारी भएको समेत उल्लेख गरे ।

गत १५ असार देखि शुरु भएको स्वास्थ्य समूहका कर्मचारी समायोजन सम्पन्न हुन भने अझै केही समय लाग्ने देखिएको छ ।