काठमाडौँ, १५ फागुन । छैटौँ स्वास्थ्य दिवसको अवसरमा शहीद धर्मभक्त राष्ट्रिय प्रत्यारोपण केन्द्रले आज स्वास्थ्य मन्त्रालय परीसरमा निशुल्क स्वास्थ्य परीक्षण शिविर सञ्चालन गरेको छ ।

उक्त शिविरमा १०५ जनाले स्वास्थ्य परीक्षण गराएका छन् । सोही शिविरमा अरु १५ जनाले जनाले मरणोपरान्त अंङ्गदान गर्ने लिखित प्रतिवद्धता (मन्जुरीनामा) दिएका छन् ।

केन्द्रका कार्यकारी निर्देशक डा.  पुकारचन्द्र श्रेष्ठले शिविरमा आउनेहरुको उच्च रक्तचाप, पिसाव परीक्षण तथा भिडियो एक्सरे गरिएको जानकारी दिए । उनका अनुसार ३१ जनाको भिडियो एक्सरे गरिएकोमा ९ जनाको पत्थरी देखिएको थियो । १० जनामा फ्याट्टी लिभर, तीन जनामा सुगर देखिएको थियो ।

केन्द्रले सोही अवसरमा मरणोपरान्त अंगदान दिने दिन चाहनेहरुले मन्जुरीनामा गर्न सक्ने व्यवस्था मिलाएको थियो ।

‘स्वास्थ्य दिवसको अवसरमा सहभागीहरको स्वास्थ्य परीक्षण गराउँद भनेर हामीले यो शिविर राखेका हौँ । साथै स्वास्थ्य परीक्षण गर्नुपर्छ भन्ने सन्देश दिन पनि यो आयोजना गरेका हौँ ,’ निर्देशक डा. श्रेष्ठले भने ।