काठमाडौँ, ९ भदौ । काठमाडौँ महानगरपालिकाले मिर्गौला प्रत्यारोपण गरेका, डायलासिस गराईरहेका, उपचारमा रहेका क्यान्सर रोगी र मेरुदण्ड पक्षघात भएका बिरामीहरुलाई औषधि उपचार बापत मासिक ५ हजार रुपैयाँ खर्च उपलव्ध गराउने भएको छ ।

महानगरले गत ३१ साउनको निर्णय अनुसार तोकिएका रोगका बिरामीहरुलाई उपचार खर्च उपलव्ध गराउन लागिएको जनाएको छ ।

महानगरको स्वास्थ्य विभागले मिर्गौला प्रत्यारोपण गरेका डायलासिस गराईरहेका , उपचारमा रहेका क्यान्सर रोग र मेरुदण्ड पक्षघात भएका बिरामीलाई औषधि उपचार बापत खर्च उपलव्ध गराउने सम्वन्धी कार्यविधि २०७८ कार्यान्वयन गर्ने निर्णय भएको भन्दै त्यस्ता बिरामी भएका नगरबासीसंग निवेदन आव्हान गरेको छ ।

महानगरले यो सुविधा लिनका लागि तोकिएको रोग लागेका तर सरकारबाट अन्य कुनै प्रकारको सेवा सुविधा तथा सामाजिक सुरक्षा भत्ता नलिएका बिरामीहरु मात्रै योग्य हुने स्पष्ट पारेको छ ।

महानगरले सुविधा लिनका लागि आ आफ्नो वडा कार्यालयमा निवेदन दिन भनेको छ ।

हेर्नुहोस सूचना :