काठमाडौँ, १८ फागुन । पछिल्लो चौबिस घण्टामा देशभर थप १२७ जनामा कोरोना संक्रमण पुष्टि भएको छ । यही अवधीमा थप ३२१ सय जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले बुधबार जारी गरेको बिबरण अनुसार पीसीआर र एन्टीजेन बिधिबाट ६ हजार ८७४ जनाको नमुना परीक्षण भएकोमा १२७ जनाको रीपोर्ट पोजेटिभ आएको हो ।

हाल देशभर सक्रिय संक्रमितको संख्या ७ हजार ७७० सय रहेको छ । आइसीयूमा ६८ र भेन्टीलेटरमा १० जना संक्रमित उपचाररत रहेका छन् । त्यसैगरी आज कोरोना संक्रमणबाट थप ३ जनाको मृत्यु भएको मन्त्रालयले जनाएको छ ।