काठमाडौँ, १० फागुन । पछिल्लो चौबिस घण्टामा देशभर थप ४७६ जनामा कोरोना संक्रमण पुष्टि भएको छ । यही अवधीमा थप ८३१ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार पीसीआर र एन्टीजेन बिधिबाट ९ हजार ४२४ जनाको नमुना परीक्षण भएकोमा ४७६ जनाको रीपोर्ट पोजेटिभ आएको हो ।

हाल देशभर सक्रिय संक्रमितको संख्या १० हजार ७४७ सय रहेको छ ।

त्यसैगरी आज कोरोना संक्रमणबाट थप ३ जनाको मृत्यु भएको छ । आइसीयूमा ११५ र भेन्टीलेटरमा १९ जना संक्रमित उपचाररत रहेको मन्त्रालयले जनाएको छ ।