काठमाडौँ, २६ भदौ । पछिल्लो चौबिस घण्टामा देशभर थप ५ जना कोरोना संक्रमितको मृत्यु भएको छ । चौबिस घण्टामा १ महिला र ४ जना पुरुष गरी थप ५ जनाको मृत्यु भएको स्वास्थ्य मन्त्रालयले जनाकारी गराएको छ ।

मृत्यु हुनेमा काठमाडौँका ७० वर्षीय, नवलपरासीका ५५ वर्षीय, धनुषाका ४५ वर्षीय, महोत्तरीका ६५ वर्षीय पुरुष र मोरङको ४० वर्षीया महिला हुन् ।

यी सहित नेपालमा कोरोना संक्रमणबाट मृत्यु हुनेको संख्या ३२२ पुगेको छ ।

त्यसैगरी पछिल्लो चौविस घण्टामा देशभर थप १ हजार ४५४ जनामा कोरोना भाइरस संक्रमण देखिएको छ । भने थप ९७२ जना कोरोना जितेर घर फर्किएका छन् । हालसम्म देशभर सक्रिय संक्रमितको संख्या १४ हजार ९२५ रहेको छ ।