काठमाडौँ, ५ भदौ । पाटन अस्पतालमा उपचाररत थप दुई जना कोरोना संक्रमितको मृत्यु भएको छ । उनीहरु दुबैको शुक्रबार (आज) विहान मृत्यु भएको हो ।

स्वास्थ्य कार्यालय ललितपुरका अनुसार मृत्यु हुनेमा एक जना दोलखा निवासी ३० बर्षीया महिला हुन् । गत २ भदौमा अस्पताल भर्ना भएकी महिलाको ४ : ४५ बजे मृत्यु भएको हो ।

यस्तै सोही अस्पतालमा गत साउन ३१ गतेबाट उपचार गराईरहेका सर्लाही मलंगवा निवासी ४६ बर्षिय पुरुषको पनि आज विहान ५ : ५० बजे मृत्यु भएको हो ।

स्वास्थ्य कार्यालय ललितपुरका प्रमुख डा खगेश्वर गेलालले मृत्यु हुने दुबै जना आइसीयूमा गम्भीर अवस्थामा उपचाररत व्यक्ति भएको जानकारी पाएको बताए ।