काठमाडौँ, १६ भदौ । गत १० भदौमा आएको रसुवा भोटेकोशीको बाढीमा परी उद्धारपछि वीर अस्पताल पुगेका १९ जनामध्ये १२ जना उपचारपछि डिस्चार्ज भएका छन् ।

अस्पतालका अनुसार मंगलबार बिहानसम्म उपचाररत १२ जना डिस्चार्ज भएका हुन् । थप उपचार आवश्यक भएका ५ बिरामीलाई विभिन्न वार्डमा राखेर उपचार भइरहेको छ ।

त्यस्तै, एक जनालाई थप उपचारका लागि ट्रमा सेन्टर रिफर गरिएको छ । हालसम्म ल्याइएको मध्ये एक जनाको  मृत्यु भइसकेको अस्पतालले जनाएको छ ।