काठमाडौँ, २६ चैत्र । महोत्तरीस्थित प्रादेशिक अस्पताल जलेश्‍वर सञ्चालन तथा व्यवस्थापन समितिको अध्यक्षमा रोहित प्रसाद ठाकुर नियुक्त भएका छन्।

मधेश प्रदेशको स्वास्थ्य तथा जनसङ्ख्या मन्त्रालयको मन्त्रिस्तरीय निर्णयअनुसार उनलाई उक्त पदमा नियुक्त गरिएको हो।

अस्पताल सञ्चालन तथा व्यवस्थापन समिति गठन कार्यविधि, २०७९ को दफा ३ को उपदफा १ (क) बमोजिम ठाकुरलाई अध्यक्षमा नियुक्त गरिएको मन्त्रालयले जनाएको छ । उनले नियुक्ति पछि पदभार ग्रहण गरिसकेका छन्।