काठमाडौँ, २९ माघ । लुम्बिनी प्रदेश सरकार मुख्यमन्त्री तथा मन्त्रिपरिषद्को कार्यालयमा रहेको बढुवा समितिको सचिवालयले आफ्नो प्रदेशका दुई जना स्वास्थ्यकर्मीलाई एघारौँ तहमा बढुवाका लागि सिफारिस गर्ने निर्णय गरेको छ ।

बुधबार बसेको समितिको बैठकले प्रदेश स्वास्थ्य सेवा हेल्थ इन्स्पेक्सन समूह प्रमुख जनस्वास्थ्य प्रशासक पद एघारौँ तहमा रोशनलाल चौधरी र प्रदेश स्वास्थ्य मेडिकल जनरलिष्ट समूहबाट प्रमुख कन्सलटेन्ट मेडिकल सुपरीटेन्डेन्ट पदमा डा मोहम्मद नुरुल होदालाई जेष्ठता र कार्यसम्पादन मूल्यांकनद्धारा हुने बढुवाका लागि सिफारिस गर्ने निर्णय गरेको हो ।