काठमाडौँ, २१ पुस । टेकुस्थित राष्ट्रिय जनस्वास्थ्य प्रयोगशालाको निर्देशक पदमा डा रुना झा नियुक्त भएकी छन् । स्वास्थ्य मन्त्री डा सुधा गौतम शर्माले आइतबार मन्त्रीस्तरीय निर्णय गर्दै डा झालाई प्रयोगशालाको निर्देशक बनाउने निर्णय गरेकी हुन् ।

यसअघि डा झा कोशी अस्पतालको प्रमुख मेडिकल सुपरीटेन्डेन्ट थिईन ।

डा झा काठमाडौँ आएपछि कोशीमा प्रमुख कन्सलटेन्ट पेडियाट्रिसियन (एघारौँ तह) का डा राम नारायण चौधरीलाई प्रमेसुको जिम्मेवारी दिएकी छन् ।

यता प्रयोगशालाका निर्देशक रहेका डा रञ्जनराज भट्टलाई पनि आफ्नै दरबन्दीमा काम कारवाही गर्ने गरि प्रयोगशालामा नै राखिएको छ ।

डा झासंग प्रयोगशालामा लामो समय निर्देशक भएर काम गरेको अनुभव छ ।