काठमाडौँ, १६ मंसिर – डा . गोविन्द केसीको माग तत्काल पुरागर्न दवाव दिन सरकारी चिकित्सक संघले भोलीबाट अस्पतालमा आकस्मिक कक्षमा बाहेक अन्यत्र काम नगर्ने जनाएको छ ।

संघका महासचिव डा विष्णुरथ गिरीले १७ र १८ गते देशभरका सरकारी चिकित्सकले आकस्मिक बाहेकका सेवा बहिस्कार गर्न निर्देशन दिएको जनाए । उक्त दिन अस्पताल आउने बिरामीका लागि प्रांगणमा ओपिडी सञ्चालन गर्न निर्देशन दिएको जानकारी दिए ।

१९ दिन देखि आमरण अनसनमा बसेका डा गोविन्द केसीको स्वास्थ्य अवस्था गम्भीर हुँदा समेत माग पुरा गर्न सरकारले पहल नगरेको भन्दै गोडानले आन्दोलनका कार्यक्रम अघि सारेको स्पष्ट पारेको छ ।

डा केसीको स्वास्थ्य अवस्थामा गम्भीर भएका कारण निर्णय लिइएको बताइए पनि गोडानको यो निर्णयको प्रत्यक्ष मार भने आम सर्वसाधारणलाई पर्ने निश्चित छ ।