काठमाडौँ, २७ साउन ।  त्रिभुवन विश्वविद्यालय जनस्वास्थ्य केन्द्रीय विभागको प्रमुखको जिम्मेवारी राजन पौडेललाई दिइएको छ । विभागमै कार्यरत पौडेलले सोमबार नै विभागीय प्रमुखको जिम्मेवारी सम्हालेका छन्।

जनस्वास्थ्य विषयमा स्नातकोत्तर तह र एमफिलका गोडमेडलिष्ट पौडेल यसअघि पनि विभागमै थिए ।

विभागीय प्रमुखको जिम्मेवारी पाएपछि संक्षिप्त प्रतिक्रिया दिँदै पौडेलले भने, ‘पत्र प्राप्त गरेर जिम्मेवारी सम्हालेको छु। विभागको विकास र विस्तारमा काम गर्ने छु।’

पौडेल स्वास्थ्य तथा जनसंख्या मन्त्रालयले गठन गरेको पोषण, खाद्य सुरक्षा तथा विषादी नियन्त्रण उपसमितिका अध्यक्ष समेत हुन्। उनी नेपाल स्वास्थ्य व्यवसायी परिषदका बोर्ड सदस्य पनि हुन्।