काठमाडौँ, ३२ असार । स्वास्थ्य तथा जनसङ्ख्या मन्त्री प्रदीप पौडेल चीन जाने भएका छन् ।

आगामी साउन ८ र ९ गते चीनको वेइजिङमा आयोजना हुने ‘ग्लोबल हेल्थ फोरम (जीएचएफ) २०२५’ सम्मेलनमा सहभागी हुन मन्त्री पौडेल त्यसतर्फ जाने भएका हुन् ।

गत असार २३ गते र ३० गते बसेको मन्त्रिपरिषद्को बैठकले गरेका २९ वटा निर्णय एकै पटक सार्वजनिक गर्दै मन्त्री पौडेलको चीन भ्रमण स्विकृत गर्ने निर्णय गरेको हो ।

मन्त्री पौडेलले यसअघि इण्डोनेशिया, भारत र जर्मनी लगायतका देश भ्रमण गरिसकेका छन् ।