काठमाडौंँ, १ पुस । शहीद गंगालाल राष्ट्रिय हृदय केन्द्रको सञ्चालक समिति सदस्यमा डा. राजेन्द्रप्रसाद बराल र दीपकराज सापकोटा मनोनित भएका छन् ।

गत मंसिर २८ गतेको मन्त्रिपरिषद बैठकले केन्द्रको सञ्चालक समिति सदस्यमा डा. बराल र दीपकराज सापकोटालाई मनोनयन गर्ने निर्णय गरेको हो।

सोमबार सरकारका प्रवक्ता एवम् सञ्चार तथा सूचना प्रविधिमन्त्री पृथ्बीसुब्बा गुरुङले कास्कीका डा. बराल र भोजपुरका सापकोटालाई केन्द्रको सञ्चालक समिति सदस्यमा मनोनित गरिएको जानकारी दिए ।