काठमाडौँ, ११ जेठ । नेपालमा कोभिड- १९ को दुई नयाँ भेरियन्ट ‘केपी.१’ र ‘केपी.२’ पुष्टि भएको छ ।

राष्ट्रिय जनस्वास्थ्य प्रयोगशालाका अनुसार कोभिड- १९ को ओमिक्रोन भेरिएन्टको नयाँ सब–भेरियन्ट ‘केपी.१’ र ‘केपी.२’ नेपालमा पुष्टि भएको हो ।

राष्ट्रिय जनस्वास्थ्य प्रयोगशालाका अनुसार गएको दुई महिनायता देशभर  कोरोना संक्रमण देखिएका ४० नमूनाको जिन सिक्वेन्सिङ गर्दा  १२ जनालाई ओमिक्रोन भेरियन्टको सबभेरियन्ट ‘केपी.१’ र १७ जनामा ‘केपी.२’ पुष्टि भएको हो।

पछिल्लो समय देखिएको केपी भेरियन्ट भने अफ्रिकी मुलुक, सिंगापुर र अमेरिका लगायत देशहरूमा देखिएको प्रयोगशालाले जनाएको छ।