काठमाडौँ, ७ जेठ । बागमती प्रदेश सरकारको स्वास्थ्य मन्त्रीमा उत्तम जोशी नियुक्त भएका छन् । मुख्यमन्त्री शालिकराम जमरकट्टेलले आइतबार मन्त्रिपरिषद विस्तार गर्दा जोशीलाई स्वास्थ्य मन्त्रीको जिम्मेवारी दिएका हुन् ।

नव नियुक्त स्वास्थ्य मन्त्री जोशी नेपाली कांग्रेसका तर्फबाट निर्वाचित सांसद हुन् । उनी गत ४ मंसिरको निर्वाचनमा चितवन २ (ख)बाट निर्वाचित सांसद हुन् ।

मुख्यमन्त्री जमरकट्टेलले आइतबार मन्त्रिपरिषद् विस्तार गरि १२ सदस्यीय बनाएका छन् । कांग्रेसबाट ४ र एकीकृत समाजवादीबाट २ मन्त्री नियुक्त गरेपछि मन्त्रिपरिषद १२ सदस्यीय पुगेको हो । त्यहाँ मन्त्रालय संख्या भने ११ मात्र रहेको छ ।