काठमाडौँ, २५ असोज । पछिल्लो चौबिस घण्टामा देशभर थप ४४ जनामा कोरोना संक्रमण पुष्टि भएको छ । सक्रिय संक्रमितको संख्या ५७५ रहेको छ ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार चौबिस घण्टामा थप २ हजार २२२ नमुना परीक्षण गर्दा ४४ जनामा संक्रमण पुष्टि भएको हो ।

आज थप २९ जना संक्रमणमुक्त भई डिस्चार्ज भएका छन् । कोरोना संक्रमणबाट मृत्यु हुनेको संख्या पनि शून्य रहेको छ ।
चौबिस घण्टामा थप ८८ हजार ६६६ जनाले कोरोना बिरुद्धको खोप लगाएका छन् ।

त्यसैगरी गत साउनदेखि हालसम्म ३३ हजार ९७५ जनामा डेंगु संक्रमण पुष्टि भएको छ । जसमध्ये ४४ जनाले ज्यान गुमाएका छन् ।