चौबिस घण्टामा ६५८ जना कोरोना संक्रमित थपिए, १ जनाको मृत्यु
काठमाडौँ, ६ भदौ । पछिल्लो चौबिस घण्टामा देशभर थप ६५८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले आज जारी गरेको बिबरण अनुसार चौबिस घण्टामा ६ हजार ६४३ नमुना परीक्षण गर्दा ६५८ जनामा संक्रमण पुष्टि भएको हो ।
सोही अवधीमा थप ४५६ जना संक्रमणमुक्त भई डिस्चार्ज भएका छन् । आज थप १ जना संक्रमितको मृत्यु भएको छ ।
काठमाडौँ उपत्यकाका तीन जिल्ला मध्ये काठमाडौँमा १८३, ललितपुरमा ४६ र भक्तपुरमा १३ जना गरी उपत्यकामा २४२ जना संक्रमित थपिएका छन् ।
त्यस्तै देशभर सक्रिय संक्रमितको संख्या ४ हजार २९६ रहेको छ । जसमध्ये होम आइसोलेसनमा ४ हजार १३४ जना र संस्थागत आइसोलेसनमा १६२ जना रहेका छन् । त्यसैगरी आइसीयूमा ५० जना र भेन्टीलेटरमा १ जना संक्रमित उपचाररत रहेका छन् ।
सम्पर्क इमेल : [email protected]