चौबिस घण्टामा थप ८१५ जनामा कोरोना संक्रमण, ५ जनाको मृत्यु
काठमाडौँ, २६ साउन । पछिल्लो चौबिस घण्टामा देशभर थप ८१५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले आज जारी गरेको बिबरण अनुसार चौबिस घण्टामा ४ हजार ५३४ नमुना परीक्षण गर्दा ८१५ जनामा संक्रमण पुष्टि भएको हो ।
सोही अवधीमा थप ४७६ जना संक्रमणमुक्त भई डिस्चार्ज भएका छन् । आज थप ५ जना संक्रमितको मृत्यु भएको छ ।
काठमाडौँ उपत्यकाका तीन जिल्ला मध्ये काठमाडौँमा १८३, ललितपुरमा ५९ र भक्तपुरमा ७ जना संक्रमित भेटिएका छन् ।
त्यस्तै देशभर सक्रिय संक्रमितको संख्या ५ हजार ८६९ रहेको छ । जसमध्ये होम आइसोलेसनमा ५ हजार ६७७ जना र संस्थागत आइसोलेसनमा १९२ जना रहेका छन् । त्यसैगरी आइसीयूमा ६० जना र भेन्टीलेटरमा ८ जना संक्रमित उपचाररत रहेका छन् ।
सम्पर्क इमेल : nepalihealthnews@gmail.com