चौबिस घण्टामा थप ५६४ जनामा कोरोना संक्रमण, २०२ संक्रमणमुक्त
काठमाडौँ, ११ साउन । पछिल्लो चौबिस घण्टामा थप ५६४ जनामा कोरोना संक्रमण पुष्टि भएको छ । सोही अवधीमा थप २०२ जना निको भई डिस्चार्ज भएका छन् ।
स्वास्थ्य तथा जनसंख्या मन्त्रालयले आज जारी गरेको बिबरण अनुसार चौबिस घण्टामा ४ हजार ४५४ नमुना परीक्षण गर्दा ५६४ जना संक्रमण पुष्टि भएको हो ।
त्यस्तै देशभर सक्रिय संक्रमितको संख्या ३ हजार ९२९ रहेको छ । जसमध्ये होम आइसोलेसनमा ३ हजार ७९४ जना र संस्थागत आइसोलेसनमा १३५ जना रहेका छन् । संस्थागत आइसोलेसनमा भएका संक्रमित मध्ये आइसीयूमा ३२ जना र भेन्टीलेरमा २ जना उपचाररत रहेका छन् । भने आज थप १ जनाको मृत्यु भएको छ ।
त्यसैगरी काठमाडौँमा ५ सय भन्दा बढी सक्रिय संक्रमित रहेका छन् । मोरङ र ललितपुरमा २ सय भन्दा बढी सक्रिय संक्रमित रहेका छन् भने मनाङ, कालिकोट, मुगु, हुम्ला र बाजुरामा सक्रिय संक्रमित शून्य रहेका छन् ।
सम्पर्क इमेल : [email protected]