बुटवल, १ साउन । लुम्बिनी प्रदेश सरकारले स्वास्थ्य तथा परिवार कल्याण मन्त्रालयको नाम परिवर्तन गरेको छ । शुक्रबार बसेको मन्त्रिपरिषद्को बैठकले सो मन्त्रालयको नाम परिवर्तन गरी स्वास्थ्य मन्त्रालय बनाईएको सरकारका प्रवक्ता मन्त्री तिलकराम शर्माले बताए ।

त्यसो त बैठकले आर्थिक मामिला तथा सहकारी मन्त्रालयलाई अर्थ तथा सहकारी, आन्तरिक मामिला तथा सञ्चार मन्त्रालयलाई आन्तरिक मामिला, कानून तथा सञ्चार मन्त्रालय नामाकरण गरेको छ ।

यस्तै कानुन, महिला, बालबालिका तथा जेष्ठ नागरिक मन्त्रालयको नाम परिवर्तन गरी महिला, बालबालिका तथा ज्येष्ठ नागरिक मन्त्रालय राखेको छ ।