काठमाडौँ, ३१ असार । चिकित्सा शिक्षा आयोगका उपाध्यक्ष प्राडा श्रीकृष्ण गिरी कोभिड संक्रमणमा परेका छन् । उनको अहिले त्रिवि शिक्षण अस्पताल महाराजगञ्जमा उपचार भइरहेको छ ।

लक्षण सहितको संक्रमण देखिएपछि उनलाई तीन दिन अघि त्रिवि शिक्षण अस्पतालमा भर्ना गरिएको हो ।

‘कोभिड पोजेटिभ, रुघा खोकी ज्वरो र पखला समेत देखा परेपछि उहाँलाई परिवारले अस्पताल ल्याएको हो । अहिले त अवस्था सामान्य हुँदै गएको छ,’ अस्पताल स्रोतले भन्यो ।

पछिल्ला दिनमा देशभर कोभिड १९ को संक्रमण बढ्दै गएको छ । आज मात्रै काठमाडौँ उपत्यकामा ९१ सहित २२९ जनामा कोभिड १९ को संक्रमण देखिएको छ ।