काठमाडौँ, २५ वैशाख । पछिल्लो चौबिस घण्टामा देशभर थप १७ जनामा कोरोना संक्रमण पुष्टि भएको छ । त्यसैगरी आज थप २१ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार २ हजार ९०५ जनाको पीसीआर नमुना परीक्षण गर्दा १७ जनामा र १ हजार १०५ जनाको एन्टीजेन बिधिबाट नमुना परीक्षण पनि भएको छ ।

देशभर सक्रिय संक्रमितको संख्या २०१ रहेको छ । जसमध्ये होम आइसोलेसनमा २ सय र संस्थागत आइसोलेसनमा १ जना रहेका छन् ।

त्यसैगरी आइसीयू १ जना संक्रमित उपचाररत छन् र भेन्टीलेटरमा उपचाररत संक्रमितको संख्या शून्य रहेको छ ।