बुधबार थप ११५७ जनामा कोरोना संक्रमण, ८ जनाको मृत्यु
काठमाडौँ, १३ असोज। बुधबार देशभर १ हजार १५७ जना कोरोना संक्रमित थपिएका छन् । थप १ हजार ११३ जना निको भई डिस्चार्ज भएका छन् । आज थप ८ जना संक्रमितको निधन भएको छ ।
स्वास्थ्य तथा जनसंख्या मन्त्रालयका प्रवक्ता डा कृष्ण प्रसाद पौडेलले बुधबार दिएको जानकारी अनुसार १० हजार ६५२ जनाको पीसीआर बिधीबाट र ३ हजार ८८९ जनाको एन्टीजेन बिधिबाट गरी कुल १४ हजार ५४१ जनाको नमुना परीक्षण भएको छ ।
जसमा पीसीआर बाट ८९२ र एन्टीजेन बिधिबाट नमुना परीक्षण गर्दा २६५ जना गरी आज कुल १ हजार १५७ जनामा संक्रमण पुष्टि भएको हो ।
जसमध्ये काठमाडौँमा २६५ भक्तपुरमा २८ र ललितपरमा ४२ जना गरी काठमाडौँ उपत्यकामा ३३५ जना थपिएका छन् ।
यो संगै नेपालमा कुल ४१ लाख ९६ हजार ८२७ जनाको पीसीआर बिधिबाट नमुना परीक्षण भएकोमा ७ लाख ९४ हजार १६३ जनमा र ५ लाख ७४ हजार ६२५ जनाको एन्टीजेन बिधिबाट नमुना परीक्षण गर्दा ९१ हजार १३७३ जनामा संक्रमण पुष्टि भएको छ ।
जसमध्ये ७ लाख ६४हजार ८४७ जना संक्रमणमुक्त भएका छन् । भने हालसम्म कोरोना संक्रमणबाट मृत्यु हुनेको संख्या ११ हजार १२३ पुगेको छ ।
त्यस्तै हाल देशभर सक्रिय संक्रमितको संख्या १८ हजार १९३ रहेको छ । त्यसैगरी सघन उपचार कक्षमा ३५४ र भेन्टीलेटरमा ९९ जना संक्रमित उपचाररत रहेको प्रवक्ता डा पौडेलले जानकारी गराए।
सम्पर्क इमेल : nepalihealthnews@gmail.com