शुक्रबार थपिए ३०४२ जना कोरोना संक्रमित, २२४४ संक्रमणमुक्त

  • सक्रिय संक्रमितको संख्या ४० हजार ३०९
  • - नेपाली हेल्थ

    काठमाडौँ, ४ भदौ । पछिल्लो चौबिस घण्टामा देशभर थप ३ हजार ४२ जना कोरोना संक्रमित थपिएका छन् । यही अवधिमा थप २ हजार २४४ जना संक्रमणमुक्त भई डिस्चार्ज भएका छन् । आज थप २६ जना संक्रमितको मृत्यु भएको छ ।

    स्वास्थ्य तथा जनसंख्या मन्त्रालयले शुक्रबार जारी गरेको बिबरण अनुसार १० हजार ५३० जनाको पीसीआर बिधीबाट र ७ हजार १२४ जनाको एन्टीजेन बिधिबाट गरी कुल १७ हजार ६५४ जनाको नमुना परीक्षण भएको छ । जसमा ३ हजार ४२ जनामा संक्रमण पुष्टि भएको हो ।

    जसमध्ये काठमाडौँमा ६०४, भक्तपुरमा १०७ र ललितपुमा १८७ जना गरी काठमाडौँ उपत्यकामा ८९८ जना थपिएका छन् ।

    हाल देशभर सक्रिय संक्रमितको संख्या ४० हजार ३०९ रहेको छ । त्यसैगरी सघन उपचार कक्षमा ७१४ र भेन्टीलेटरमा १७१ जना संक्रमित उपचाररत रहेको मन्त्रालयले जनाएको छ ।


    Facebook Comment


    थप समाचार