देशभर थप ३११४ जनामा कोरोना संक्रमण, २१९७ डिस्चार्ज

  • काठमाडौँ उपत्यकामा ६१५ जना थपिए
  • - नेपाली हेल्थ

    काठमाडौँ, ९ साउन । पछिल्लो चौबिस घण्टामा देशभर थप ३ हजार १ सय १४ जना कोरोना संक्रमित थपिएका छन् । यहि थप २ हजार १ सय ९७ जना संक्रमणबाट मुक्त भई घर फर्किएका छन् । त्यसैगरी आज थप १६ जना संक्रमितको मृत्यु भएको छ ।

    स्वास्थ्य तथा जनसंख्या मन्त्रालयले शनिबार जारी गरेको बिबरण अनुसार ११ हजार ६ सय २५ जनाको पीसीआर बिधिबाट र ४ हजार २ सय ८५ जनाको एन्टीजेन विधिबाट गरी कुल १४ हजार ९ सय १० जनाको कोभिड १९ परीक्षण भएको छ । उक्त परीक्षणबाट ३ हजार १ सय १४ जनाको कोरोना रिपोट पोजेटिभ आएको हो ।

    जसमध्ये काठमाडौँमा ४२१, भक्तपुरमा ८६ र ललितपुरमा १०८ जना गरी काठमाडौँ उपत्यकामा ६१५ जना थपिएका छन् ।

    देशभर सक्रिय संक्रमितको संख्या २७ हजार ७ सय ५७ रहेको छ । देशभरका कोभिड अस्पतालका आइसीयूमा ६५० र भेन्टीलेटरमा १६५ जना संक्रमित उपचाररत रहेको मन्त्रालयले जनाएको छ ।

    त्यस्तै ५ सय भन्दा धेरै सक्रिय संक्रमित रहेका जिल्ला काठमाडौँ , ललितपुर, भक्तपुर, मकवानपुर, मोरंङ, सुनसरी, झापा, चितवन, कास्की, रुपन्देही र नवलपरासी पूर्व गरी ११ वटा छन् भने २४ जिल्लामा २ सय भन्दा धेरै सक्रिय संक्रमित रहेका छन् ।


    Facebook Comment


    थप समाचार