धरान, २३ मंसिर । वीपी कोइराला स्वास्थ्य विज्ञान प्रतिष्ठान धरानमा सोमबार राती थप एक जना कोरोना संक्रमितको मृत्यु भएको छ । अस्पतालका सहप्रवक्ता डा चुरामणी पोखरेलका अनुसार लक्ष्मीपुर २ सप्तरी घर भएका ४२ बर्षिय पुरुषको सोमबार राती १० : ५० बजे उपचारका क्रममा मृत्यु भएको हो ।

गत १९ मंसिरमा कोरोना पुष्टि भएपछि उनलाई परिवारले २० मंसिरमा अस्पताल ल्याई भर्ना गरेका थिए । भर्ना भएको तीन दिन पछि नै उनको ज्यान गएको हो ।

अस्पतालले मृतकमा पहिले देखि नै हाइपोटेन्सनको समस्या भएको जानकारी दिएको छ ।