काठमाडौँ, १५ असोज । पछिल्लो चौबिस घण्टामा देशभर थप ११ जना कोरोना संक्रमितको मृत्यु भएको छ । देशभर थप ११ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जानकारी गराएको छ ।

जसमा ६ वटा जिल्लाका १ महिला र १० पुरुष छन् । मृत्यु हुनेमा सुनसरीमा ५६, ५० र २७, काठमाडौंमा ७८ र ६८, भक्तपुरमा ६८, ललितपुरमा ४८ वर्षीय  रुपन्देहीमा ८०, ५५ , ४२ वर्षीय पुरुष र बाँकेमा ३४ वर्षीया महिलाको मृत्यु भएको मन्त्रालयले जनाएको छ।

यी सहित नेपालमा कोरोना संक्रमणबाट मृत्यु हुनेको संख्या ५०९ पुगेको छ ।

पछिल्लो चौविस घण्टामा देशभर थप १ हजार ९ सय ११ जनामा कोरोना भाइरस संक्रमण देखिएको छ । देशभर थप ९ सय ६१ जना उपचारपछि निको भएर डिस्चार्ज भएका छन् । देशभर सक्रिय संक्रमितको संख्या २१ हजार ३ सय ८० रहेको छ ।
त्यसैगरी देशभरका अस्पतालका आइसीयूमा २२० र भेन्टीलेटरमा २५ जना उपचाररत छन् ।