काठमाडौँ, १२ असार । पाल्पामा थप ७७ जनामा कोरोना संक्रमण पुष्टि भएको छ । प्रदेश जनस्वास्थ्य प्रयोगशाला भैरहवमा भएको पीसीआर परीक्षणमा रामपुर नगरपालिकाका ७५ जना र तानसेन नगरपालिकाका २ जनामा संक्रमण पुष्टि भएको हो ।

योसँगै पाल्पामा मात्रै कोरोना संक्रमितको संख्या ४ सय ४६ पुगेको छ ।

त्यसैगरी काठमाडौँमा पनि तीन जनामा कोरोना संक्रमण देखिएको छ । जसमा तीनैजना पुरुष रहेको स्वास्थ्य मन्त्रालयका प्रवक्ता डा जागेश्वर गौतमले जानकारी गराए ।