स्वास्थ्यबाट विदाई भए सचिव थपलिया

- नेपाली हेल्थ

काठमाडौं, ४ भदौ । युवा तथा खेलकुद मन्त्रालयमा सरुवा भएका स्वास्थ्य तथा जनसंख्या मन्त्रालयका सचिव रामप्रसाद थपलिया विदाई भएका छन् । आज अपरान्ह स्वास्थ्य मन्त्रालयका कर्मचारीले उनलाई विदाई गरेका हुन् ।

गत सोमबारको मन्त्रिपरिषद बैठकले १६ जना सचिवको मन्त्रालय परिवर्तन गर्दा थपलिया पनि परेका थिए । सो बैठकले शिक्षा विज्ञान तथा प्रविधि मन्त्रालयका सचिव खगराज बराललाई स्वास्थ्य तथा जनसंख्या मन्त्रालयमा सरुवा गरेको छ ।

स्रोतका अनुसार बरालले आगामी सोमबारबाट स्वास्थ्यको जिम्मेवारी सम्हाल्ने बताएका छन् ।

स्वास्थ्य मन्त्रालयमा आएको छोटो समयमा थपलियाले धेरै काम अघि बढाएको कर्मचारीहरु बताउँछन् ।

सचिव थपलियाले स्वास्थ्यमा केही कामहरु अघि सारेको भन्दै अव आउने नयाँ सचिवले त्यसलाई निरन्तरता दिने विश्वास गरे ।


Facebook Comment


थप समाचार