ललितपुर, ३ असार ।  पुल्चोक स्थित निदान हस्पिटलले शनिबार बाथ रोग शिविरको आयोजना गरेको छ । शिविरमा परीक्षण गराउने मध्ये ३९ प्रतिशतमा बाथरोगको समस्या देखिएको छ।

शिविरमा १ सय २० जना बिरामीको स्वास्थ्य परीक्षण गरिएको थियो । ती मध्ये ४७ जनामा बाथरोगको समस्या भेटिएको हो ।

अधिकांशमा भने हड्डी खिइने (मेरुदण्ड,घुडाको) समस्या देखिएको बाथ रोग बिशेषज्ञ डा अन्जल विष्टले जानकारी दिए । स्वास्थ्य जाँचपछि रोगको प्रकृति अनुसार बिरामीहरुलाई आवश्यक सबै परामर्श दिइएको थियो ।