काठमाडौँ, ९ जेठ । स्वास्थ्य तथा जनसंख्या मन्त्रालयको कानून हेर्ने उपसचिव फेरिएका छन् । कानून मन्त्रालयले गत साता निर्णय गर्दै स्वास्थ्यमा कानून हेर्ने जिम्मा पाएका उपसचिव शम्भुराज रेग्मीलाई शिक्षा विज्ञान तथा प्रविधि मन्त्रालयमा सरुवा गरेको छ । स्वास्थ्यमा भने गंगाबहादुर खरेललाई पठाएको छ । उनी यसअघि भूमिसुधार मन्त्रालयमा कार्यरत थिए ।

यता स्वास्थ्य मन्त्रालयले नरदेवी आयुर्वेद चिकित्सालयको निमित्त निर्देशकको जिम्मेबारी डा. सबरी साहलाई दिएको छ ।नरदेवीका तत्कालिन प्रमुख डा.  रामदेव यादव ३७ हजार घुस सहित अख्तियारको फन्दामा परेपछि रिक्त चिकित्सालयमा डा. साहलाई पठाइएको हो । डा. साह यसअघि स्वास्थ्य तथा जनसंख्या मन्त्रालयमा थिए ।