काठमाडौँ, २६ पुस । अदालतको अवहेलनाको आरोपमा सोमबार राती पक्राउ परेका डा. गोविन्द केसीलाई सर्बोच्चले रिहा गर्न आदेश दिएको छ ।

न्यायधीशद्धय पुरषोत्तम भण्डारी र बमकुमार श्रेष्ठको इजलाशमा आज भएको बहसपछि डा केसीलाई अधिवक्ता सुरेन्द्र भण्डारीको जिम्मामा रिहा गर्न आदेश दिएको हो ।

साथै इजलाशले डा गोविन्द केसीले लगाएको आरोपको छानवीन गर्न प्रधानन्यायधीश गोपाल पराजुलीको शैक्षिक प्रमाणपत्र तथा नागरिकता समेत झिकाउन समेत आदेश दिएको छ ।