कोलोम्बो, १० साउन । श्रीलङ्कामा डेङ्गुको प्रकोप नियन्त्रणका लागि सरकारले विभिन्न कार्यक्रम घोषणा गरेको भए तापनि त्यो प्रभावकारी हुन सकिरहेको छैन ।

श्रीलङ्कामा यस बर्षको सुरुदेखि हालसम्म डेङ्गुबाट ३ सय १ जनाको मृत्यु भएको छ । डेङ्गुबाट १ लाख ५ हजार प्रभावित भएकोमा ३०१ को मृत्यु भएको श्रीलङ्का रेडक्रस सोसाइटीले मङ्गलबार सार्वजनिक गरेको छ ।

सन् २०१६ को तुलना यस बर्षको सुरुदेखि अहिलेसम्म नै डेङ्गु प्रभावितको सङ्ख्या दोब्बर भएको जनाइएको छ । सन् २०१६ मा डेङ्गु प्रभावित व्यक्तिको सङ्ख्या ५५ हजार १५० रहेको थियो ।

यसबर्षको सुरुदेखि हालसम्ममा यो सङ्ख्या एक लाख ५ हजार पुगिसकेको छ । अहिले पनि यसको प्रकोपमा कमी नअएको अधिकारीहरुको भनाई छ ।

श्रीेलङ्का रेडक्रसका स्वयंसेवकहरुको ठूलो सङ्ख्याले डेङ्गु प्रभावितहरुको रोकथामको लागि सरकारलाई सहयोग गर्दै आएको पनि जनाइएको छ ।

लामखुट्टेको कारण लाग्ने यस रोगको नियन्त्रणका लागि घर आँगन सरसफाइ राख्न पनि स्वयंसेवकहरुले सल्लाह दिएका छन् । रासस/सिन्ह्वा