गुल्मी, १ पुस –  गुल्मीको निस्ती–बडिघाट सामुदायिक विकास केन्द्र गुल्मीमार्फत एम्बुलेन्स सेवा सञ्चालनका लागि आर्थिक सहयोग अभियानलाई तीव्रता दिइएको छ ।

उक्त अभियानबाट हालसम्म स्वदेश तथा विदेशका विभिन्न व्यक्तिबाट रु २० लाख बराबरको आर्थिक सहयोग भएको केन्द्रका अध्यक्ष मोहन घिमिरेले जानकारी दिए ।

एम्बुलेन्स सेवा सञ्चालनका लागि केही महिनाअगाडि देखि निस्ती–बडिघाट सामुदायिक विकास केन्द्र गुल्मीमार्फत स्वदेश तथा विदेशका विभिन्न देशमा रहेका यस क्षेत्रका नेपालीबाट आर्थिक अभियान सञ्चालन गरिएको छ ।

जिल्लाको पश्चिम क्षेत्रमा राम्रो स्वास्थ्य उपचारका लागि एम्बुलेन्स सेवा नहुँदा निकै समस्या भोगिरहेका यस क्षेत्रका जनताको स्वास्थ्य उपचारको सहजताका लागि संस्थाले अभियान सञ्चालन गरेको समेत अध्यक्ष घिमिरेले जानकारी दिए। रासस