काठमाडौँ, २ भदौ । गृह मन्त्रालयले नेपाल प्रहरी अस्पतालमा कार्यरत प्राविधिक प्रहरी निरीक्षण डा भावना रेग्मी (डेन्टल अधिकृत)लाई सफाई पेश गर्न सात दिने सूचना जारी गरेको छ । गत २० चैत देखि ३० दिनको विदामा बसेकी डा रेग्मी विना जानकारी अनुपस्थित भएकी छन् ।

गृह मन्त्रालयले गत २६ बैशाखमा हाजिर हुन आउनुपर्ने आफ्नो कर्मचारी जानकारी विना लामो समय हाजिर नभएपछि स्थायी ठेगानमा समेत खोजविन गरेको थियो । तर त्यसो गर्दा पनि नभेटिएपछि सार्वजनिक सूचना जारी गरेको हो ।

आज प्रकाशित गरेको सूचनामा तपाईँलाई सेवाबाट हटाउनु पर्ने कुनै मनासिव कारण भए सन्तोषजनक स्पष्टीकरण लिई यस मन्त्रायलमा उपस्थित हुन आउनुहोला भनिएको छ ।

अन्यथा विदा स्वीकृत नगराई लगातार ४५ दिनसम्म आफनो कार्यालय अनुपस्थित रहेको कसुरमा भविस्यमा सरकारी सेवाको लागि अयोग्य नठहरिने गरि सेवाबाट हटाउने कारवाही भई जाने भनिएको छ ।