काठमाडौँ, १३ फागुन । पछिल्लो चौबिस घण्टामा देशभर थप २७५ जनामा कोरोना संक्रमण पुष्टि भएको छ । यही अवधीमा थप ५५५ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले शुक्रबार जारी गरेको बिबरण अनुसार पीसीआर र एन्टीजेन बिधिबाट ८ हजार ६२८ जनाको नमुना परीक्षण भएकोमा २७५ जनाको रीपोर्ट पोजेटिभ आएको हो ।

हाल देशभर सक्रिय संक्रमितको संख्या ९ हजार २८० सय रहेको छ ।

त्यसैगरी आज कोरोना संक्रमणबाट थप १ जनाको मृत्यु भएको छ । आइसीयूमा ९२ र भेन्टीलेटरमा १५ जना संक्रमित उपचाररत रहेको मन्त्रालयले जनाएको छ ।