काठमाडौँ, २९ असोज ।  एक व्यक्तिको नाममा अर्कै व्यक्तिको मिर्गौला झिकी किनबेच तथा प्रत्यारोपण गराएको आरोपमा प्रहरीको मानव बेचविखन तथा अनुसन्धान व्यूरोले निदान अस्प्तालका सीईओ सहित पाँच जनालाई पक्राउ गरेको छ ।

पक्राउ पर्नेमा अस्पतालका सीईओ बिपेन्द्र प्रधान, मिर्गौला ग्रहण गर्ने व्यक्ति शंकरलाल लामा, अस्पतालका कानूनी सल्लाहकार कुमुदकुमार भट्टराई, अस्पतालका डाक्टर राजेश पन्त र जिल्ला प्रशासन कार्यालय ललितपुरका शाखा अधिकृत रामचन्द्र आले छन् ।

उनीहरुमाथि मानव बेचविखन तथा ओसार पसार नियन्त्रण ऐन २०६४ अनुसार अनुसन्धान अघि बढाईएको व्यूरोका प्रवक्ता गोविन्दप्रसाद थपलियाले जानकारी दिए ।